Kanina lang (Oct. 14, 2022) ay official nang nai-launch ng Honda Philippines Inc. (HPI) ang pinaka-aabangan ng maraming scooter enthusiasts, ang all-new ADV160. Naunang inilabas sa Indonesia noong July tapos sumunod naman sa Thailand last week, ngayong araw ay hindi tayo binigo ng HPI at sa wakas ay naging available na dito sa atin ang adventure scooter na ito.

Ang ADV160 ay may 157cc, 4-valve, liquid-cooled eSP+ engine na kaya mag-produce ng 11.8 kW at 14.7 Nm. Maliban sa mas mataas na displacement kumpara sa outgoing na ADV150, may ilang safety features din na idinagdag rito ang HPI gaya ng Anti-lock Brake System (ABS) at Honda Selectable Torque Control (HSTC), na tumutulong maiwasan ang pagdulas ng rear wheel during hard acceleration.

Dahil ang ADV160 is design din para mag off-road, nilagyan ni Honda ng off switch ang feature na ito para mas maka-gain ng traction sa dirt.

But wait, there’s more!

Para sa mga nangangarap diyan na makapag-ride ng isang matikas na adventure scooter pero hindi nabiyayaan ng height, ang ADV160 ay may mas mababang seat height na 780 mm. Speaking of which, mas mataas ng 4% ang wind screen ng ADV160 at adjustable pa rin ito sa dalawang positions.

Ang underseat compartment naman ay mas malaki na rin sa kanyang 30-liter capacity. Kasya rito ang conventional full-face helmet at may natira pang space.

Ni-retain naman ng ADV160 ang kanyang signature long travel rear dual shocks na may sub-tank.

Available ang all-new Honda ADV160 sa 3 color options: white, red and black…at lahat ito ay matte finish. Ang ADV160 ay may tag price na PHP164,900. Sa totoo lang ay mas mataas ito ng bahagya sa inaasahan natin presyo pero ayon kay Raymund Cristobal, Department Manager (Motorcycle Sales), HPI, ang pricing nila sa ADV160 ay naapektuhan Dollar-Peso exchange rate.

Sa tingin mo, sulit ba ang presyo ng ADV160?